Оюутан-Үйлчилгээний ажилтан

Оюутан-Үйлчилгээний ажилтан нэрийн дор зохион байгуулж буй үйл ажиллагааны талаар

Монгол Улсын Консерваторийн Оюутны Зөвлөлийн санаачлагаар МУК-ийн бакалаврын 1-ээс 4-р курсын оюутнууд болон ХБК-ийн 10-р ангийн сурагчид /К-1к оюутнууд/ хамтран үйлчилгээний ажилчдын цэвэрлэхэд хүндрэлтэй талбай, хана зэргийг цэвэрлэж, 1 өдрийг тэдний ажилд тусалж өнгөрөөлөө.

МУК-ийн оюутнууд МУК-ийн хичээлийн байрыг, ХБК-ийн сурагчид ХБК-ийн хичээлийн байрыг тус тус цэвэрлэсэн юм.

Өдөр хичээлтэй оюутнууд өглөө 08:00-цагаас 10:45-ийн хооронд 1,2 болон 4 давхрын хана угаах, хар зураас арилгах зэрэг цэвэрлэгээг хийсэн ба өглөө хичээлтэй оюутнууд 13:00-14:20 хүртэл 3 давхрын хана, шал угааж, 5 давхрын концертийн заалыг цэвэрлэлээ /сандал, шал арчиж/. Харин ХБК-ийн 10-р ангийн сурагчид ХБК-ийн 2 давхрын хана, шал угааж бусад хөнгөн цэвэрлэгээг хийж дуусгалаа.

80 гаруй оюутан, сурагчдын бүрэлдэхүүнтэйгээр 10-р сарын 11ны Пүрэв гарагийн 14:20-д МУК-ийн Оюутны Зөвлөл, ХБК-ийн оюутан сурагчдын хамтарсан Оюутан- Үйлчилгэний ажилтан үйл ажиллагаа нь амжилттай зохион байгуулагдаж өндөрлөлөө.

МУК-ийн Оюутны Зөвлөл

Оюутан-Үйлчилгээний ажилтан нэрийн дор зохион байгуулж буй үйл ажиллагааны талаар
Зорилго

МУК-ийн болон ХБК-ийн оюутан сурагчдын хамтын үйл ажиллагааг сайжруулах, үйлчилгээний ажилтнуудын ажилд туслах, тэдний үйл ажиллагааг дэмжих, үйлчилгээний ажилчдыг хүндэтгэх ухамсрыг оюутан сурагчдад бий болгох юм.

Хамрах хүрээ

Монгол Улсын Консерваторийн болон Хөгжим Бүжгийн Коллежийн оюутан, сурагчид

Хугацаа

10-р сарын 11ний Пүрэв гарагт

Хаана

МУК-ийн болон ХБК-ийн хичээлийн байранд

Жич-Өглөөний ээлжийн оюутнууд өдөр 13 цагт, өдрийн ээлжийн оюутнууд өглөө 8 цагт хариуцсан тус тусын хэсгийг цэвэрлэнэ.

Зохион байгуулагч                                                   Хамтран ажиллагч
МУК-ийн Оюутны Зөвлөл                                           Хөгжим Бүжгийн Коллеж

2018.10.08