Хийлчийн түмэн эх, удирдаачийн түмэн эх Ж.Чулуун хэмээх их хүний 90 жилийн ойн хүрээнд зохиогдсон эрдэм шинжилгээний бага хурал 2018 оны 11 дүгээр сарын 27-ний өдрийн 16:00 цагт Консерваторийн номын санд боллоо.
Энэхүү эрдэм шинжилгээний бага хурал нь Чулуун багшийн Монгол улсын соёл урлагийн салбарт олон шилдэг бүтээл туурвин сонгодог болон үндэсний урлагийг хөгжүүлэх, сурталчилах, мэргэжлийн боловсон хүчин, уран бүтээлчдийг бэлтгэх үйлсэд онцгой гавъяа байгуулсан удирдаач, хийлч, хөгжмийн зохиолч, багш талаас нь судлан түүний уран бүтээлийг сурталчилах, сургалт судалгааны эргэлтэнд оруулах, алдрыг мөнхжүүлэх, залуу хойч үедээ танин мэдүүлэхэд оршино. Уг хүндэтгэлийн үйл ажиллагаанд оролцсон илтгэгч нартаа, ахмад уран бүтээлч нартаа, хүрэлцэн ирсэн эрдэмтэд судлаачид, багш оюутнууд та нартаа талархаснаа илэрхийлж байна.
Мөн 90 жилийн ойг тохиолдуулан Ж.Чулуун багшийн гэр бүл, үр хүүхэд ач зээ нар болон төрөл төрөгсдөд аз жаргал сайн сайхныг хүсэн ерөөе!
Монгол Улсын Консерваторийн Эрдэм шинжилгээний алба
No comments:
Post a Comment