Монголын суут хөгжмийн зохиолч, ардын жүжигчин, төрийн шагналт Ж.Чулууны мэндэлсний 90, Уран хас балетын 45 жилийн ойг өнгөрсөн жил тэмлэглэлээ. Энэ жилийн эхний өдөр MNB-ийн Монголын Мэдээ сувгаар 18:10-aac Соёл-Эрдэнэ хөтөлбөрийн өнгөрсөн жил толилуулсан Уран Хас нэвтрүүлгийг давтаж үзүүлэв.
Уг балетыг нэрт хөгжмийн зохиолч, удирдаач Жамъянгийн Чулуун 1973 оны арванхоёрдугаар сарын 30-нд анх үзэгчдийн хүртээл болгож байжээ. Дөчин таван жилийн турш УДБЭТ-ын тайзнаа тоглогдож буй тус балетыг хөдөлмөрийн баатар, ардын жүжигчин, төрийн соёрхолт Б.Жамъяндагва дэглэсэн. Харин балетын анхны тоглолтонд урлагийн гавъяат зүтгэлтэн удирдаач Ч.Жамсранжав, ардын зураач Ч.Гунгаасүх нар ажиллаж, гол дүрд Э.Оюунбат, Д.Батхүрэл, Ю.Цэрмаа, Ю.Оюун, Н.Эрдэнэцэцэг зэрэг балетын гоцлооч тоглож байсан түүхтэй.
No comments:
Post a Comment