ЭХ УНДАРГА ардын урлагийн их наадам
Ерөнхий найруулагч: МУ-ын Төрийн шагналт, гавьяат жүжигчин, Маэстро Д.Сосорбарам
Зохион байгуулагч: Н.Жавхлантөгс
Хөгжмийн зохиолч: Д.Ариунболд
Найруулагч: Д.Энхгэрэл, Д.Баярбаатар
Гэрлийн найруулагч: Д.Даваа
Туслах найруулагч: Д.Бойжоо
Дэлхийд данстай язгуур урлагийн нандин өвийг залгамжлан хөгжүүлэх; эх орноо олон улсад сурталчлахад авъяас билгээ зориулж яваа уран бүтээлчдээ дэмжих; соёлын үнэт өв язгуур урлагаар дамжуулан монгол түмний эв нэгдлийг тэтгэн бадраах зорилготой ардын урлагийн тоглолт монгол туургатны их баяр цагаан сарын өмнө жил бүр зохион байгуулагддаг билээ.
2012 онд Монгол Улсын төрийн Соёрхолт, МУГЖ Д.Сосорбарамын санаачлагаар язгуур урлагийн хамтлагууд анх удаа нэгдэн тоглосноос эхлэн жил бүр өөрийн гэсэн өнгө аяс, үзэл санааг илэрхийлж, үндэсний урлагийн хөгжлийг монгол түмэндээ хүртээсээр ирсэн.
6 дахь удаагийн тоглолтоороо хүн төрөлхтний авъяас билгийн ширгэшгүй булаг нь Монгол язгуур урлаг байхыг бэлгэдэн ЭХ УНДАРГА хэмээн нэрийдэж, 300 гаруй уран бүтээлчдийн бүрэлдэхүүнтэйгээр ардын урлагийн их наадам болгон өргөн хүрээнд зохион байгуулж байв.
No comments:
Post a Comment