Угтах үйлчилгээний тохижилт

Монгол Улсын Консерваторийн багш, төгөлдөр хуурч Д.Чимгээ багшийн “Урлагт үлдээсэн мөрүүд” болох үе үеийн шавь нар нь нэгдэн багшийнхаа гэгээн дурсгалд зориулж, үйл хэргийг  нь мөнхлөн үлдээх зорилгоор төрөлх сургуулийнхаа угтах үйлчилгээний хэсгийг иж бүрэн тохижууллаа. Энэхүү үйл ажиллагааг Д.Чимгээ багшийн анхны шавь нарын нэг болох Консерваторийн Эрдэм Шинжилгээ Иновацийн Албаны дарга  М.Ундраа санаачлан зохион байгуулав. Угтах үйлчилгээний тохижилтын ажлын нээлтэд Монгол Улсын Консерваторийн удирдлагууд болон Д.Чимгээ багштай тус сургуульд хамт ажиллаж байсан багш нар мөн оюутан, сурагчид хүрэлцэн ирж оролцлоо.