Алдарч хуурч Г. Жамъянгийн мэндэлсний 100 жилийн ойн хүрээнд Монгол Улсын Консерваторийн Үндэсний Хөгжмийн Мэргэжлийн Сургуулийн зөвлөх багш, хүндэт профессор МУГ багш Ё.Батбаярын удирдсан оюутан сурагчдын тайлан тоглолт

Монгол Улсын Консерваторийн Үндэсний Хөгжмийн Мэргэжлийн Сургуулийн зөвлөх багш, хүндэт профессор МУГ багш Ё.Батбаярын удирдсан оюутан сурагчдын тайлан тоглолт 12 сарын 26-ны үдэш тус сургуулийн концертын Б танхимд боллоо. Энэхүү тоглолт нь морин хуурын анхны мэргэжлийн багш нарын нэг алдарч хуурч Г. Жамъянгийн мэндэлсний 100 жилийн ойн хүрээнд зохион байгуулагдаж буй ажлуудын нэг юм. Тоглолтод Консерваторийн морин хуурын ангийн 3-р курсийн оюутан Г.Тэмүүлэн, 2-курсийн оюутан Г.Лхам, С.Жаргалсайхан, М.Мөнхсайхан, Ерөнхий боловсролын сургуулийн 12а ангийн сурагч Б.Энх-амгалан, 9б ангийн сурагч Ж.Очиржав, Г.Шихихутаг нар
оролцож Г.Жамъян “Ардын аялгуу”, Г.Цэрэндорж “Эхийн сэтгэл”, Д.Жанжив “Ширээ нуур”, С.Гончигсумлаа “Өгүүллэг”, Н.Жанцанноров “Бодлын үзүүрт”, “Чиний минь нулимс”,  Ц.Чинзориг “Идрэнгийн говиор”, Э.Чойдог “Романс”, Б.Бямбабаяр “Хүлэг айсуй”, Ц.Нацагдорж “Бассо остинато”, Ц.Сүхбаатар “Үүлэн бор” зэрэг бүтээлүүдийг тоглолоо.