Claus Raible Trio

КЛАУС РАЙБЛЕ 

Мэргэжил - [Төгөлдөр хуурч, хөгжмийн зохиолч, найруулагч] 

Багшлах хугацаа - [2018.09.17-27]

Клаус Райблэ (1967 онд Карлсруэ/Германд төрсөн) нь Германы жазз төгөлдөр хуурч бөгөөд хөгжмийн удирдаач, зохиолч, найруулагч юм. Клаус бага сургуульд байхдаа жазз хөгжимтэй танилцжээ. 11 настайдаа труба хөгжимд суралцан, 3 жилийн дараа өөрийн үндсэн хөгжим болох төгөлдөр хуур хөгжмөөр хичээллэх болсон. 

Ахлах сургуульд байхдаа л жазз хөгжмийн хамтлагуудтай Мюнхен хотын ойролцоох газруудад тоглодог байжээ. 1986-1992 оны хооронд Грац хотын Хөгжим Уран Зургийн Их Сургуульд Харалд Нойвирт багшийн удирдлага дор амжилттай төгсжээ. Энэ хугацаандаа тэрээр Арт Фармер, Анди Бэи болон Марк Морфи нартай хамтран тоглож байсан. 

Тэрээр Вена хотод амьдрах нэг жилийн хугацаандаа “Клаус Райбле Бад Пауэллийн хөгжмийг тоглож байна” (Claus Raible Plays the Music of Bud Powell) хэмээх анхны бие даасан тоглолтоо Австри улсын үндэсний телевизэд зориулж хийсэн аж. Үүний дараах 3 жилийг Нью-Йорк хотод өнгөрүүлж өөрийн зургуул хамтлагаа байгуулсан ба Барри Харрисын удирдлага дор суралцсан явдал нь түүний хувьд хөгжмийн зохиолч болон найруулагч болоход нөлөөлсөн юм.

1998 оноос хойш Мюнхен хотноо амьдарч байгаа ба 2009 онд BOP-chestra хамтлагийг байгуулж, 2012 онд тэд анхны цомгоо “A Dedication to the Ladies (TCB)” нэртэйгээр гаргасан ба хөгжмийн найруулгыг өөрөө гүйцэтгэжээ. Тэрээр Клаус Кох, Ал Порчино, Анна Лаувергнак, Дуско Гойкович, Чарлес Девис болон Роман Шваллэр нарын уран бүтээлчдийн цомгийн ажилд хамтран ажиллажээ.

Клаус Райбле одоогоор Мюнхен хотын Хөгжим болон Театрын их сургуульд багшилдаг. 1989 онд ОУ-ын Жазз хөгжмийн тэмцээнд шилдэг гоцлол хөгжимчний шагнал хүртжээ. 1992 онд Австри улсын Соёл, шинжлэх ухааны сайдын нэрэмжит шагналыг хүртжээ. 2006 онд Баваар мужийн Урлагийг дэмжих шагналыг хүртсэн.

Жазз гармони, Цөөхүүл хөгжим, төгөлдөр хуурын ганцаарчилсан хичээлүүдийг бакалавр болон төслийн оюутнуудад орж байна.

Одоогоор Клайс Райбли багш манай сургуульд удаагаа зочин багшаар ажиллаж байна.

Оролцосон тоглолтууд:

• 2017.10.05 МУ-ын консерваторийн концертын танхимд The art of song
• 2017.10.07 Занабазарын музейн танхимд The art of song концертууд хийсэн.
• 2018.10.02 МУ-ын консерваторийн концертын танхимд Claus Raible trio тоглолтоо хийх гэж байна.